سر استراتيجية رفض عريس .... ادخلوا ياحبايبى هتعجبكوااااا .....

استعدوا للغوص فى الموضوع . ..
الكل مظبط حالة ومستعد . ...
ماشى ...
إنذار .. العريس قااااادم :
مثلا ًان تتصل بيكى خالتك اللى عمرها ما كلمتكو غير فى المناسبات الوطنية لتسألك عن احوالك وتذكرك بأنك ( كبرتى ) وكأنها اكتشفت سر من أسرار الكون ثم تسألكعما إذا كنت مرتبطة أم لا ... هذه إشارة واضحة لا تتجاهليها . .
ولا يجب أن ننسى دور الأم مع بنتها .. والذى يكون فى غاية الوضوح ( يابنتى انت بقيتى عروسة ) ... أو مثلاً تيجى داخلة بيتكو تلاقى والدتك قاعده مع واحدة عمرك ما شوفتيها ووالدتك تقول :
" تعالى سلمى على طنط (عنايات ) دى زميلتى من ايام الكلية قابلتها بالصدفة فى وسط البلد "
يا محااااااسن الصدف وسط البلد اللى الناس بتتوة فيها من بعض أصبح الناس تتقابل فيها صدفه .. وتنظر لكى طنط ( عنايات ) بإعجاب شديد وتهتف "بسم الله ما شاء الله تعالى يا عروسة " عروسة !! .. هنا قد يبدأ الشك ولكنه يتأكد حين تتقمص والدتك دور الشيخة نادية وتقول لك :
" شفت لك حلم امبارح يشرح القلب " وتشرح لك بالتفاصيل .. الفرح والفستان والزفة وأوصاف العريس الذى هو ( مرعى ) ابن طنط ( عنايات ) !!
كل ما تقدم ينذر بالخطر الذى يحيط بك ...
فكيف تتصرفييييييييين ؟؟؟؟؟

كيف ترفضين العريس (خطة أ ) :

هناك العديد من الحجج التى قد تعينك على رفض هذا العريس وعشرة زية ..
_ فأول تلك الحجج هى انك تريدين إكمال تعليمك .. أما لو كنت قد تخرجت بالفعل فتقولين لهم : لاااااااااا ... لسه بدرى .... هناك الماجستير والزمالة والدكتوراة , وجوائز الدولة التقديرية والتشجيعية والطحينية أيضاً , ثم الحلم الاكبر بالحصول على جائزة نوبل فى أى حاجة .. ويدكى طولة العمر ...
_ هناك ايضاً مقولة انك مش بتفكرى فى الموضوع دا دلوقتى ... علشان فيه مواضيع أهم شاغلة تفكيرك مثل قضية الاجئين وحرب الشيشان وأزمة البنجر فى الجابون , وحين تحل هذه المشاكل ويرقع ثقب الأوزون ستفكرين فعلياً بالزواج .
_ قد تتحججين أيضاً بارتباطك الشديد بوالدتك وانك لا تستطيعين مفارقتها , وهذه ستكون هدية العمر لأبيك الذى سيقترح بكل خبث أن تأخذيها معك وتكون هذه هى الطامة الكبرى للعريس الذى سيفر بمجرد سماااع الاقتراح ...
أما إذا لم يقتنع أهلك بكل تلك الحجج وأصروا أن تقابلى الموكوس , فهناك عشرات العيوب التى يمكن اختلاقها فى أى شخص ...

كيف ترفضين العريس ( خطة ب ) :

_ فإن كان بشنب فهو شكله وحش بالشنب , ولو كان من غير شنب فأنت لا تقبلين رجلاً بدون شنب .
_ لو كان تخين فهو بكرش وغير مناسب , ولو كان رفيع فهو هيكل عظمى وغير مناسب أيضاً ..
_ لو كان يزوركم كثيراً فهو لزقة , ولو قلل من زياراته فهو لا يحبك ..
_ لو بيتكلم كتير يبقى رغاى ولو كلامه قليل يبقى طوبة ..
_ لو واثق فى نفسه يبقى مغرور , ولو مش واثق يبقى شخصيته ضعيفة ..
_ لو سريع البديهة فهو متهور , ولو متأنى فهو تنح ..
_ لو بيفكر يحسن وضعه فى الشغل يبقى طماع , ولو مابيفكرش فهو فقرى ..
_ لو استشارك فى كل الأمور فهو متردد وبريالة , ولو اتصرف من نفسه فهو ديكتاتور ..
_ لو بيغير عليكى فهو متخلف أو مش واثق فيكى , ولو مش بيغير يبقى مقطف ..
_ لو صرف عليكى كتير يبقى مسرف , ولو صرف قليل يبقى بخيل ...

كيف ترفضين عريس ( الخطة ج ) :

التوافق ....
يجب ان تكونا متوافقين تماماً , فى الأفكار والمعتقدات والهوايات ..
فلو أنه لا يحب نفس الموسيقا ونفس المطربين بالضبط دون أى اختلاف كأنه نسخة جينية منك .. فلترفضيه على الفور .. فأنتما غير متوافقين ..
أما إذا كان يحب نفس الموسيقا ونفس المطربين بالضبط دون أى اختلاف كأنه نسخة جينية منك فلترفضيه أيضاً , فلا حاجة أن تتزوجى نسخة منك ... أنت موجودة ..
ويسرى هذا على الممثلين و أبطال صيد السردين ... يجب ان يحب ما تحبين .. أو لا يحب مش فارقة ... هايترفض هايترفض .
كما يجب ان تراعى توافق الابراج .. فمثلاً لو أن برجك مائى وبرجه ترابى فهذا يبشر بحياة مطينة بطين ...
أما لو كان برجك مائى وبرجه هوائى فيدل هذا على حياة مليئة بالعواصف والاعاصير والدوخة ودوار البحر .
أما زواج البرج الهوائى بالترابى فينذر بالبعثرة وتفرق الشمل ..
= أما إذا كان برجه نارى ارفضيه أياً كان برجك .. احتمالات انه يولع فيكى كبيرة جداً
_ وكما ترين فمهما كان يا فتيات فإن " عريسك مرفوض .. مرفوض "

بس خلاااااص

ع فكرة منقفولة من قصة لما قرأتها وعجبتنى قلت لازم اقولهالكوا
[color=red].وكمان هجيب لكم سر اتراتيجية رفض عروسة . .. فقط انتظرونى ..بس لو عايزينى
اكملكم الباقى حيث ( النصيحة الذهبية )

احبكم فى الله

ههههههههههههههههههههههههههه
ادتينى المفيد
علشان العريس اللى هيجى
هيكون مدعى علية
لانة هوة اللى اختار
ميرسى اووووووووووووووووووووووى
ياتيكة ياويلة
بس سؤال انتى هطبقى الحكاية دى الاول؟؟؟؟

دموع تتبسم كتب:

ههههههههههههههههههههههههههه
ادتينى المفيد
علشان العريس اللى هيجى
هيكون مدعى علية
لانة هوة اللى اختار
ميرسى اووووووووووووووووووووووى
ياتيكة ياويلة
بس سؤال انتى هطبقى الحكاية دى الاول؟؟؟؟

يا حبيبتى انا بطبقها بالفعل
مخبيش عليكى ماهو لو كان العريس جه على مزاكى كنت سكت خاااااااااااااااااااالص
ههههههههههههههههههههههههههههه
نورتينى ياقمر
واسعدتينى بمشاركتك