مواقع اباحية شاهد وشارك!!!!!!!!!!!!!!!!!!!!

السلام عليكم ورحمة الله وبركاتة

موضوع اليوم بل الأمس بل الغد للأسف
هو
اذا لا يتم حجب المواقع الاباحية فى مصر ؟

هو ايه فائدة عدم حجب المواقع الاباحية فى مصر ؟
مش عارفه صح !!!

بتزود الدخل مثلا ؟ لأ

بتجيب سياحة ؟ لأ

بتجيب دولار ؟ لأ

بتجيب ضعف جنسى ؟ اه

بتجيب خراب فى البيوت ؟ اه

بتجيب وبتشجع على جرائم الاغتصاب ؟ اه

الخ الخ الخ الخ .........

طب ساكتين ليه فى مصر عليها ؟ مش عارفه

طب سؤال تانى لو مصر حجبت المواقع الاباحية هيبقى خير ولا شر ؟

طب لو خير منعملوش ليه ؟
طب لو شر منمنعوش ليه ؟

وأهم الأشياء الضرورية التي ترعاها الشريعة الإسلامية لجميع رعاياها، ألا وهي : الدِّين، النفس، العقل، النسل، والمال

والمواقع الاباحية بلا ريب تقضى عليها جميعاً

حاجة تجنن المجنون ............

الموضوع ده شاغلنى منذ فترة كبيرة ومش عارف ازاى ممكن يتحقق !
يعنى مين يساعد!
مين يضغط على أصحاب القرار فى الموضوع ده !

كلنا شفنا مثلاً دعوات الاضراب اللى ملت الانترنت بمعدل كل شهر اضراب، وفيه منها كان له تأثير ومنها لأ، وبغض النظر عنها انا اللى يهمنى ان الانترنت ده عفريت قوى كامن ممكن يعمل تغيير نحو الخير ونحو الشر وانا هنا ان شاء الله ادعوكم جميعاً الى الخير وهو ايه

دعوة عامة الى حجب المواقع الاباحية بمصر !!!!!!

انا متفائل بنجاح الموضوع ده ليه؟

لانه مش ضد حد خالص (بيتهيألى كده) ومحدش هيقدر يدافع عن عدم الحجب ! ( أتمنى لان فيه ناس بجحة بشكل غريب )لانه سوف يتم اتهامه بتهم اخلاقية ذميمة وهيترمى فى مزبلة التاريخ وهيخاف يدافع حتى لو من جواه مش موافق لسبب او لاخر! صح

فلو قلنا الدش صعب ازاى هنمنع القنوات الاباحية ؟ طيب الانترنت سهل جداً عن طريق حجب الآى بى ويتم تطبيق ذلك فى معظم الدول العربية مثل الامارات والسعودية وغيره يعنى الفكرة مش جديدة بس ليه مش مطبقة فى مصر مش عارف ! طب انت عارف طيب تريحنى وتقولى ؟

طيب هو احنا لو حجبنا المواقع الاباحية الشباب يعنى يا فالح مش هيعرفوا يتحايلوا على الموضوع ؟
بص لما يكون عندك بيت دعارة(اسف ع التعبير) رافع العلم وبيقولك انا اهو ... ها تقفله ولا تفكر انهم هيدوروا على شقق مستخفيه علشان يرتكبوا فيها الفاحشه ؟ ؟ طبعاً لما تقفل المواقع الاباحية هتقل باب كبير خصوصا للمبتدئين ومن والفضوليون والعيال الصغيرة ومن ليس لهم خبرة بالانترنت.... المهم اطلع منها وهى تعمر ان شاء الله

بس عاوزك تتخيل حاجة صغيرة ان شاء الله لما الموضوع ده يتحقق ( قريب ان شاء الله ) هتبقى ليك كام حسنة عند المولى عزوجل انك شاركت فى حماية شباب بلادك ! متخيل

باختصار الموضوع جاهز وعاوز زقة صغيرة منك ومنى ومن كل مسلم غيور على دينه وانا مستغرب جداً هو ازاى فى بلد اسلامى وبلد الازهر كمان لم يتم حجب المواقع من البداية مش من دلوقتى وبس !!! بس مش مهم اهو ما لا يُدرك كله لا يُترك كله، ونلحق اللى لسه مشافش ومعرفش ... وناخد احنا الثواب ان شاء الله

انا دخلت على موقع ترتيب المواقع لكل بلد فلقيت فى معظم الدول العربية كام موقع جنسى فى صدارة أكثر مائة موقع يدخلها المواطنون العرب، فى مصر مثلاً المواقع الاولى جوجل وياهو وميكروسوفت وفيسبوك ومصراوى والبلوجز ومواقع رفع الملفات وبداية هذه المواقع الاباحية من رقم 25 تخيل ده بيدخلوا كام مليون مصرى يومياً ؟؟؟

** لو حد ممكن يُلحق الموضوع ده بالحملة اللى كانت منتشرة على الفضائيات لعلاج حالات ادمان المخدرات واهو كله ادمان برضوا يبقى كتر خيره
** لو حد يعرف نائب فى مجلس الشعب يتبنى تقديم طلب احاطة يبقى كتر الف خيره
** لو حد يعرف يوصل لقناة فضائية تعرض الموضوع وتتبناه يبقى كتر الف خيره
** لو ممكن اى مصم يزودنى بمجموعة تواقيع وشعارات وخلفيات تخدم الموضوع
** وان شاء الله انت انوى خير بس وربنا هيشرح صدرك لفكرة تحقق الهدف ان شاء الله تعالى

طبعاً الكلام مش مدروس بس اعتبروه صرخة يمكن حد يسمعنا ... ياهوووووووووووووووووووووووووووووووو

احمى ولادك يا مصر ... ده شعار الحملة المقترح

منقول
وليس أخير أصبح النساء أيضا يدخلون على الموقع الاباحية
وقد ذكرت أحدى الفتيات فى المحتارة ولا حول ولاقوة الا بالله
ولا ولاحول ولاقوة الا بالله
أريد مشاركاتكم وأرائكم فى الموضوع؟؟؟؟؟؟؟؟؟؟؟

]

إن هذا الموضوع له اهمية كبيرة
اشكرك علي الموضوع المفيد
اتمني منكي الجديد المفيد

انا معاكى ياتوت فروت بأذن الله فى هذة الحملة

ياريت صوتنا وصوت أبناء المسلمين
يوصلهم
أتقوا الله أتقوا
حرااااااااااااااااااااااااااااااااااااااااام عليكم
ياهووووووووووووووووووووووووووووووووووووووووووووووووووووووووووووووووووو
نفسنا حد يسمعنا ويتقى الله